Әсет Ерғалиев 2025 жылға дейін ауылдарды өркениет көшіне қосуға 1,3 трлн теңге бөлінетінін, оның 670 млрд теңгесі "Ауыл – ел бесігі" жобасын жүзеге асыруға қарастырылатынын баяндады.
"2025 жылға дейін даму әлеуеті бар 3,5 мың ауыл қамтылады. Онда ауыл тұрғындарының 90%-дан астамы тұратын болады. Жалпы ауылдық жерлерді дамыту жөніндегі кешенді тәсіл 2025 жылы ауыл тұрғындарының өмір сүру сапасы мен әл-ауқатын едәуір арттыруға мүмкіндік береді", – деді министр.
Әсет Ерғалиевтің айтуынша, 2025 жылға дейін ауыл халқы сумен жабдықтау қызметімен 100% қамтылады.
"Аыл тұрғындары жылдамдығы жоғаы интернетке қол жеткізеді. Ауылдық жерлерде 24 млн шаршы метр тұрғын үй пайдалануға беріледі. Жергілікті маңызы бар жолдардың 95%-ы жақсы жағдайда болады. 12 мың шақырым инженерлік желі салынады және жаңғыртылады", – деді Әсет Ерғалиев.
Қанат Махамбет
