Айтуынша, қола жүлде алған қос спортшының бірі – Зүлфия Чиншанлоға Олимпиадада шынында да психологиялық кедергілер жасалған. Тіпті сайыс кезінде оны байқаған бапкерлер төрешілер ұйымына ескертіп, ойын видеосын қайта көрсетіп шыққан. Бірақ бәрібір негізгі шешім өзгеріссіз қалған. Енді кештетіп аппеляцияға шағым түсіру орынсыз. Ал екінші спортшы Игорь Сон өзіне қатысты ондай әрекеттердің болмағанын айтады. Зілтемірші ұтқан ақшасын толығымен сал ауруына шалдыққан бауырының еміне жұмсамақшы. Қола медаль иегерлеріне 75 мың доллардан сыйақы беріледі.
БІЗДІҢ ТЕЛЕГРАМ АРНАМЫЗҒА ҚОСЫЛЫҢЫЗ
Ең соңғы жаңалықтар осында
Жазылу
