Австралияның федералдық полициясы 800 миллион доллар тұратын есірткі партиясын тәркіледі. Бұл ел тарихындағы ең ірі "олжа". Бұл туралы жергілікті ақпарат құралдары хабарлады.
Мельбурн қаласындағы операцияны сәуір айында федералдық полиция мен Австралияның кедендік қызметі жүргізген. Есірткі жүктердің арасынан, нақтырақ айтқанда, акустикалық стереодинамика партиясына жасырылған жерден табылған. Ресми дереккке сүйенсек, метамфетаминнің 1,596 тоннасы, героиннің 37 килограмы тәркіленді.
5 желтоқсанда осы іс бойынша екі ер адам және бір әйел қамауға алынған. Оларға заңсыз есірткі айналымымен айналысты деген айып тағылып отыр. Ұсталғандар өмір бойына бас бостандығынан айырылуы мүмкін.
Табиғат Нұрболат
БІЗДІҢ ТЕЛЕГРАМ АРНАМЫЗҒА ҚОСЫЛЫҢЫЗ
Ең соңғы жаңалықтар осында
Жазылу
