Австриядан келген бай мұрагер 25 миллион еуро байлығын тарату үшін азаматтық жиналыс ұйымдастырды. Ол наурыздан маусым айларына дейін 6 демалыс күнінде жиындар өткізетін болады. Бұл туралы inbusiness.kz сайты Euronews телеарнасына сілтеме жасап хабарлайды.
Марлен Энгельхорн химиялық алпауыт BASF-пен байланысы бар отбасынан ақшаны мұра етті. 31 жастағы әйел өзінің орасан байлығының қайта бөлінуін қалайды. Сондай-ақ, ол көп жылдар бойы өз елінде әділетті салық жүйесін жақтап келеді.
"25 миллион еуроны қайта бөлу қажет. Өйткені, мемлекет оларды қайта бөлмейді. Менде бұл ақша бар, себебі оған салық салынбайды және үкімет қоғамдағы байлықты осылай бөлуді қамтамасыз ету бойынша өз мандатын орындамады және ол менің қолыма пропорционалды түрде түседі. Өйткені, мен осы әлемде бұл фамилиямен белгілі бір жанұяда өмір сүріп жатырмын", - деп мәлімдеді ол.
Сонымен қатар, жиынға кездейсоқ таңдалған 50 азамат кірді. Мамандардың жетекшілігімен олар ақшаны қалай және кімге беру керектігін шешеді. Ал Марлен Энгелбхорнның бұл процесте дауыс беру құқығы болмайды. Себебі, ол Австрия халқының 1%-ы ұлттық байлықтың жартысына ие болуын әділетсіздік деп санайды.
