Австрияда COVID-19 дертіне қарсы вакцина ектіргеннен кейін қайтыс болғандардың саны 55-ке жетті, деп хабарлайды Inbusiness.kz порталы елдің денсаулық сақтау саласының қауіпсіздік жөніндегі федералды агенттігіне сілтеме жасап.
Бірақ олардың өліміне препараттың себеп болғаны не болмағаны белгісіз. Тергеу жүріп жатыр.
Өткен аптада Pfizer/BioNtech вакцинасын қабылдағаннан кейін 51 адамның қаза тапқаны хабарланған еді.
"Денсаулық сақтау саласының қауіпсіздік жөніндегі федералды басқармасы COVID-19 вакцинасын ектіргеннен кейін көп ұзамай 55 адамның көз жұмғанын хабарлады (52-сі BioNTech/Pfizer, 2-еуі Moderna, 1-еуі AstraZeneca)", – деп жазылған хабарламада.
BioNTech/Pfizer вакцинасы 1 049 927 рет егілген, оның жанама әсерлері туралы 4288 хабарлама келіп түскен. Moderna 92 920 рет егілген, 443 хабарлама тіркелді. AstraZeneca вакцинасы 346 942 рет егілді , препараттың жағымсыз реакциясы туралы 12 549 жайт тіркелді.
Коронавирусқа қарсы вакцинация процесі Австрияда өткен жылдың желтоқсан айында басталды.
Табиғат Нұрболат
Фото: imperial.ac.uk
