Алматы әкімдігінің тапсырысы бойынша Австрияның Master Concept компаниясы мегаполис айналасы мен алматылық агломерацияның 2030 жылға дейінгі тау кластерін дамытудың шеберлік-жоспарын жасады, деп хабарлайды қала әкімдігінің баспасөз қызметі.
Туризм саласын дамыту мақсатында өңірдің барлық тау локациялары қамтылатын болады: Түрген, Ақ Бұлақ, Oi-Qaragai Lesnaya Skazka, Табаған, Бутаковка, Пионер, Көкжайлау, Шымбұлақ және Қаскелең аймақтары кіреді.
"Master Concept" компаниясының бас директоры Гернот Ляйтнер өзінің сөзінде алматылық өңірдің тау кластерінің туристік потенциалының өте жоғары екенін айтты. Шеберлік-жоспар аясында 470 км соқпа және 85 км велосипед жолдарын, 45 км атпен жүру бағыттарын, 250 км шаңғы трассаларын дамыту қарастырылған, бұл трассалардың ағымдағы ұзындығынан 6 есе көп.
