Медицина қызметкерлері Алматыдағы автобус апатында зардап шеккендердің жағдайы жайлы айтты, деп хабарлайды Inbusiness.kz сайты.
Жедел медициналық қызмет келгенше үш адам қайтыс болды.
"Үш ересек адамға жабық бассүйек-ми жарақаты, ми шайқалуы, біреуіне сол жақ жамбас сүйегінің сынығы диагнозы қойылып №7 қалалық клиникалық ауруханаға жатқызылды. Төртінші зардап шеккен 15 жастағы бала сол табан сүйектерінің сынуы диагнозымен №2 қалалық балалар клиникалық ауруханасына жатқызылды. Зардап шеккендерге психологиялық көмекті қосып, барлық қажетті медициналық көмек толық көлемде көрсетіліп жатыр", - делінген Қоғамдық денсаулық сақтау басқармасы таратқан мәліметте.
Айта кетсек, бүгін сағат 18:15-те Райымбек даңғылы бойында №47 автобус аялдамадағы адамдарды қағып өтті. Салдарынан үш адам көз жұмып, төртеуі жарақат алды.
