Қоғамдық көлік пен пойыздың соқтығысуынан 6 адам зардап шеккен, деп жазады inbusiness.kz сайты.
Алматы қаласы Полиция департаменті жол-көлік оқиғасының сағат 11:40-та болғанын хабарлады. Оқиға Алмалы ауданында тіркелген. Қазіргі уақытта жарақат алған жолаушыларға медициналық көмек көрсетілуде.
– Жеке тасымалдаушыға тиесілі № 88 автобус М.Әуезов көшесімен солтүстік бағытта келе жатып, Гоголь көшесінің солтүстігінде батысқа қарай теміржолмен келе жатқан тепловозбен соқтығысты. Жол апаты салдарынан қоғамдық көліктің 6 жолаушысы зардап шекті. Оларға медициналық көмек көрсетілді. Оқиғаның басқа да мән-жайы анықталып жатыр, – деп хабарлады қалалық ПД баспасөз қызметі.
БІЗДІҢ ТЕЛЕГРАМ АРНАМЫЗҒА ҚОСЫЛЫҢЫЗ
Ең соңғы жаңалықтар осында
Жазылу
