Еліміздің 150 азаматын сан соқтырған алаяқ компания салымшыны суицидке жеткізді.
Әдеттегідей, адамдарға "оңай олжа" ұсынған алаяқтар пасық пиғылдарын жүзеге асырып кеткен. Олар "құрбандарына" нарықтан 2 есе төмен бағаға автокөлік ұсынған.
Дилерсымақтар адамдарға 45 күн ішінде банктерде кепілде тұрған автокөліктерді алып беруге уәде беріп, төлемақыны алдын ала иемденіп отырған. Қаражат қолдарына тиген соң хабар-ошарсыз кететін болған. Тұтынушылардың сеніміне ие болу үшін алғашқы 14 адамға автокөлік мінгізген. Қалған клиенттердің барлығын тақырға отырғызған.
Арзан бағаға темір тұлпар тізгіндегісі келген Демьян Ильин былай дейді:
"Келімсімге қол қойғаннан кейін олар маған мен қалаған автокөліктің суреттерін жолдап тұрды. Автокөлікті 2 аптада алып беретіндерін айтты. Алаяқтарға 5 млн теңге бердім".
Белгілі болғандай, зардап шеккендердің дені Шымкент қаласының тұрғындары. Солардың бірі 26 жасар азамат. Ол алаяқ компаниядан автокөлігін ала алмай, өз-өзіне қол жұмсаған.
Қанат Махамбет
