Шығыс Қазақстан облысы Аягөз қаласында полицияға 65 жастағы таксист жүгінген. Ол алаяқтың арбауына түсіп қалғанын хабарлаған. Таксистің кешкі мезгілде темір жол вокзалынан қаланың басқа жеріне белгісіз бір әйелді жеткізіп салғаны анықталды. Ол көлік қызметі үшін 20 мың купюра ұсынған. Қызметіне 500 теңге алған такси жүргізушісі әйелге 19 мың 500 теңге қайтарған. Кейін ол ақшаның жалған екенін байқайды. Жедел іздеу шараларын жүргізген полиция алаяқты анықтап, ұстады. Ол 34 жастағы жергілікті тұрғын болып шықты. Бұл туралы "ҚазАқпарат" ХАА жазып отыр.
БІЗДІҢ ТЕЛЕГРАМ АРНАМЫЗҒА ҚОСЫЛЫҢЫЗ
Ең соңғы жаңалықтар осында
Жазылу
