Аягөздік су тасқынынан зардап шеккен тұрғындар ұлыс мерекесі қарсаңында қоныс тойын тойлап жатыр. Бұл туралы 24.kz хабарлады.
Шығыс Қазақстан облысының әкімі Даниал Ахметов баспанасыз қалған 12 отбасына пәтер кілттерін табыс етті. Аймақ жетекшісі қалған мұқтаж азаматтар да жақын күндері баспаналы болатынын жеткізді. Ол үшін "Аягөз Болашақ" қайырымдылық қорына қосымша 80 миллион теңге бөлінбек. Осыдан бір жұмадай бұрын тосыннан келген табиғат апатынан зардап шеккен аягөздіктер қиындыққа сабырмен қарай білді.
Жергілікті атқарушы билік өкілдері тұрғындардың барлық өтініштері назардан тыс қалмайтынын айтқан. Солде орындалып, үйлері опырылып құлап қалған 12 отбасына баспана кілттері табыс етілді.
Алдағы уақытта апат кезінде баспанасыз қалған басқа да тұрғындардың тілегі арнайы құрылған комиссия арқылы біртіндеп қанағаттандырылмақ.
