Триатлоншы Аян Бейсенбаев Америка құрлық кубогінің күміс жүлдегері атанды, деп жазады Olympic.kz.
Кубаның Гавана қаласында өткен жарыста Бейсенбаев Elite категориясы бойынша сынға түсті. Ол стандартты қашықтықты 1 сағат 52 минут 2 секундта жүріп өтіп, жеңімпаздан 1 минутқа артта қалды.
Бірінші орында 1 сағат 50 минут 50 секунд көрсеткішімен америкалық Колин Шартье иеленсе, үздік үштікті жапондық Гента Учида қорытындылады.
Тағы бір қазақстандық триатлоншы Мейірлан Ысқақов 7-ші, жастар құрамасының мүшесі Темірлан Теміров 20-шы орында.
БІЗДІҢ ТЕЛЕГРАМ АРНАМЫЗҒА ҚОСЫЛЫҢЫЗ
Ең соңғы жаңалықтар осында
Жазылу