Павлодар – Астана жолында 14 жолаушы құтқарылды, оның біреуі – бала, деп хабарлайды pavlodarnews.kz.
Облыстық ТЖ департаментінің мемлекеттік тіл және ақпарат тобының мәліметінше, түнгі сағат 03:00-де Семей-Астана бағыты бойынша келе жатқан көлік жүргізушілері құтқарушылардан көмек сұрап жүгінген. Van Hool маркалы жолаушылар автобусы Қалқаман ауылынан 10 шақырым жерде бұзылған.
"Таңғы сағат 05:00 шамасында сыртта 27 градус аяз болып тұрды. Екібастұз қаласы ТЖ басқармасы қызметкерлерінің күшімен жолаушылар кенттің жылыту пункті орналасқан жол бойындағы дәмханаға жеткізілді", - дейді департаментте.
Жолаушылардың барлығы таңғы сағат 4.50-де жолай кетіп бара жатқан автобус арқылы Екібастұз қаласына жеткізілді. Ешкімге медициналық жәрдем қажет болмады.
