Көлік министрлігінің Азаматтық авиация комитеті Қазақстанда тіркелген Boeing MAX әуе кемелеріне қатысты пікір білдірді деп хабарлайды inbusiness.kz сайты комитеттің баспасөз қызметіне сілтеме жасап.
Қазіргі уақытта Қазақстанның авиациялық әкімшілігі Қазақстандағы осы типтегі ұшақтарды пайдаланушылармен, сондай-ақ Boeing және FAA-мен әрі қарай шаралар қабылдау қажеттілігін бағалау үшін байланыста.
“Қазақстанда 5 Boeing 737-9 MAX ұшағы тіркелген және олардың барлығында ұшуға жарамдылық сертификаттары бар.
FAA ұшуға жарамдылық туралы шұғыл директива шығарды (2024-02-51). Ұшуға жарамдылық директивасы автоматты түрде барлық B-737 MAX пайдаланушыларына қолданылады. Бұл директива орташа кабинаның апаттық шығу люгі орнатылған кез келген санатта сертификатталған Boeing компаниясының B737-9 үлгісіндегі әуе кемелеріне қолданылады”, - делінген хабарламада.
Комитеттің мәліметінше, қазіргі таңда Қазақстан Республикасының пайдаланушылары әуе кемелерін апаттық шығу есіктерімен (апаттық шығу люгімен емес) пайдаланады, сәйкесінше директива осы әуе кемелеріне қолданылмайды.
