RU KZ
Азаматтық белсенділер: Қазақстандағы әрбір екінші бала агрессиялық ортада өседі

Азаматтық белсенділер: Қазақстандағы әрбір екінші бала агрессиялық ортада өседі

26 Қараша 2020 15:19 143

Азаматтық белсенділер: Қазақстандағы әрбір екінші бала агрессиялық ортада өседі
Биылғы 8 айдың ішінде тұрмыстық зорлық-зомбылық фактісі бойынша полицияға 130 мың өтініш түскен. Үкіметтік емес ұйым белсенділерінің айтуларынша, карантин кезінде Қазақстан жанұяларындағы зорлық 40 пайызға артқан, деп хабарлайды Atameken Business.

Кризистік орталықтардың өзінде көмек сұрап келген 9 мың әйел адамға пана берілген. Бұл деректер әйелдер ісі, отбасы-демографиялық саясат жөніндегі ұлттық комиссия өткізген конференцияда белгілі болды. Шара Біріккен ұлттар ұйымының «зорлықсыз 16 күн» атты кампаниясының аясында өткен болатын.

Онлайн конференциясында ұлттық комиссия төрайымы Ләззат Рамазанова еліміздің 5 облысында «Қазақстан отбасылары зорлықсыз» атты пилоттық жоба іске қосылатынын хабарлады.