/img/tv1.svg
RU KZ
Әзербайжан елшісі еліміздегі Сенат сайлауын бақылайды

Әзербайжан елшісі еліміздегі Сенат сайлауын бақылайды

Сенат сайлауына халықаралық бақылаушыларды аккредиттеу аяқталды.

07 Тамыз 2020 13:39 181

Әзербайжан елшісі еліміздегі Сенат сайлауын бақылайды

Қазақстанның сайлау туралы заңнамасы бойынша 9 тамыз күні сағат 18.00-де халықаралық бақылаушыларды тіркеу аяқталды. Бұл науқанға Түркітілдес мемлекеттердің ынтымақтастық кеңесінен де бақылаушылар қатыспақшы. Атап айтсақ, Әзербайжан елшілігінен 2 өкіл, Қырғызстан, Өзбекстан, Түркия мемлекеттерінен бір-бір өкіл қатыспақ.

«Түркітілдес мемлекеттердің ынтымақтастық кеңесінің бақылаушылар миссиясына Әзербайжанның Қазақстандағы Елшісі Рашад Маммадов  басшылық етеді. Сыртқы істер министрілігі бұл сайлауды бақылауға ниет танытқан 143 шетелдік бұқаралық ақпарат құралын аккредиттеді. Олар сайлау туралы заңнамаға сүйене отырып, халықаралық бақылаушылармен бірге науқанды бақылай алады», – деді Сыртқы істер министрінің орынбасары Ержан Ашықбаев.

Есжан Ботақара

Ақжарқын Тұрлыбайдың соңғы мүмкіндігі қалды

Айыпталушы тарап қытай сотының шешімін тағы бір рет аппеляцияға беруге құқылы.  

13 Қаңтар 2020 21:22 573

Есірткі тасымалына қатысты деген күдікпен өмір бойына сотталған Ақжарқын Тұрлыбай Қытай сотының шешімін тағы бір рет аппеляцияға беруге құқылы. Бірақ бұл аппеляция соңғы мүмкіндік болмақ. Сыртқы істер министрлігінің ресми өкілі Айбек Смадияров БАҚ өкілдеріне осындай мәлімет берді.

«Ақжарқын Тұрлыбайға қатысты өмір бойына бас бостандығынан айыру туралы үкім шыққанын білесіздер. Қазір оның адвокаттары  соттың осы шешімін аппеляцияға беру керек пе деген мәселені қарап жатыр. Ол сот шешімін қайта қарау туралы шағым түсіруге құқылы. Адвокаттары бұл мүмкіндікті пайдалана алады», – деген ресми өкіл «Бұл соңғы мүмкіндік пе» деген сауалға «Мен солай деп ойлаймын» деп жауап берді.

Кореяда сотталған жігіттің ісі қайта қаралуы мүмкін

Айыпталушы тарап сот шешімін аппеляцияға берді.  

13 Қаңтар 2020 21:19 225

Сыртқы Істер министрлігінің ресми өкілі Айбек Смадияров Оңтүстік Кореяда көлік апатын жасаған қазақстандықтың тағдырына қатысты ақпарат берді.  Күдікті сот шешімін қайта қарау үшін аппелцияға берген көрінеді.  Корея соты шешімді өзгертпеген жағдайда, Сыртқы істер министрлігі сотталғандарды беру процесін бастауы мүмкін.

«Оңтүстік Кореяда бала мыжып кетті деген айып тағылған  отандасымызға үкім шығарылған болатын. Ол 2,5 жылға қамауға алынған. Ол өз құқығын пайдаланып, сот шешімін қайта қарау үшін аппеляцияға берді. Кейбір БАҚ-та ол  шамамен 50 мың доллар айыппұл төлеуі тиіс деген ақпарат тараған. Бұл шындыққа жанаспайды.  Сот кезінде осындай сома айтылып қалған болатын.  Баланы емдеуге сонша қаражат кеткені айтылған.  Яғни, сот тек 2,5 жылға қамау туралы шешім шығарған.  Өзге қаржылық айыппұлдар туралы сөз болған жоқ», – деді СІМ өкілі.

Отандасымыз түбегейлі сотталған жағдайда Қазақстан Елшілігіне жазасын өз отанында өтеу туралы өтініш түсіруге құқылы.

«Соттың қайта шығаратын шешімін күтейік.  Содан кейін ғана айыпталушының не қалайтынын қараймыз.  Сотталғанды бізге беру процесін тек өзінің жеке өтініші бойынша ғана бастай аламыз.  Әзірге ол сол  шешімін аппеляцияға берді. Енді соттың шешімі шыққанша өтініш бере алмайды», – деді Айбек Смадияров.