Таулы Қарабақтағы қақтығыс кезінде 2 783 әзербайжан сарбазы қаза тапты. Бұл туралы елдің қорғаныс министрлігі хабарлады.
Министрліктің ақпараты бойынша,қазір 100 шақты әскериді іздестіру жұмыстары жүріп жатыр, 1245 сарбаз тиісті ем қабылдауда.
Бұған дейін Армения қақтығыс салдарынан 2718 армян сарбазы қаза тапты деп мәлімдеген еді. Ведомство жарақат алғандардың санын әзірге жарияламады.
Ал Таулы Қарабақ билігі 27 қарашада соғыс кезінде 1 711 адам опат болды деп хабарлады. Желтоқсан айында тағы 34 адамның аты-жөні жарияланды.
Еске сала кетсек, Таулы Қарабақтағы қарулы қақтығыс 27 қыркүйекте басталған еді. 9 қарашада Ресей президенті Владмир Путин, Армения премьер-министрі Никол Пашинян мен Әзербайжан президенті Ильхам Әлиев аймақтағы қарулы қақтығысты тоқтату туралы келісімге қол қойып, қос тарап бітімге келген болатын.
Табиғат Нұрболат
Фото: lenta.ru
