Ведомство қабылданған шаралар туралы Ресей бітімгершілік контингентінің қолбасшылығы мен бірлескен түрік-ресей мониторингтік орталығының басшылығы хабардар етілгенін атап өтті, деп жазады inbusiness.kz.
Сондай-ақ, Әзербайжан армиясы тек әскери нысандарға соққы беретінін, бейбіт тұрғындар мен инфрақұрылымдық нысандарға шабуыл жасалмайтынын атап өтті.
"Үшжақты мәлімдеменің ережелерін ұстану, Қарабақ экономикалық ауданында кең ауқымды арандатушылықтардың жолын кесу, қарусыздану және Армения Қарулы Күштерінің құрамаларын біздің аумақтардан шығару, олардың әскери инфрақұрылымын бейтараптандыру, бейбіт халықтың қауіпсіздігін қамтамасыз ету мақсатында <...> өңірде аймақтық сипаттағы терроризмге қарсы іс-шаралар басталды", — делінген хабарламада.
Ең бастысы, Әзербайжанның конституциялық құрылысын қалпына келтіру қарастырылған.
19 қыркүйекте Әзербайжан ІІМ-нің төрт қызметкері Қарабақтағы Ходжавенд ауданының Тагаверди ауылында жарылған минадан қаза тапты. Оны армян әскери күштері бітімгершілікті орналастыру аймағында салғаны туралы айтылды. Әзербайжанда болған оқиға бойынша қылмыстық іс қозғалды.
Әзербайжан СІМ Арменияның негізгі мақсаты — аймақтағы әскери шиеленісті пен терроризмді күшейту екенін атап өтті.
Әзербайжан СІМ 2020 жылдың қарашасынан бастап 314 әзірбайжан армян миналарынан зардап шеккенін атап өтті. Ведомство жарылыстардан кейін 61 адам қаза тапқанын нақтылады.
