27 наурызда ресейлік БАҚ Әзербайжан Таулы Қарабақ аумағынан өз әскерлерін шығарды деген ақпарат таратты. Әзербайжан Қорғаныс министрлігі әскерлердің шығарылмағанын және Ресей таратқан ақпарат "шындыққа жанаспайды" деп мәлімдеді, деп хабарлайды inbusiness.kz.
"Әзербайжан Республикасының Қорғаныс министрлігі Ресей Федерациясы Қорғаныс министрлігінің 2022 жылғы 27 наурыздағы мәлімдемесінде көрсетілген деректердің шындыққа жанаспайтынын мәлімдейді. Әзербайжан армиясының Фаррух ауылындағы және еліміздің егеменді аумақтарының бөлігі болып табылатын жерлердегі позицияларында ешқандай өзгеріс болған жоқ", – деп жазылған ведомство хабарламасында.
Бұған дейін Ресей тарапы Әзербайжан үшжақты келісімді бұзып, әскерлерді ресейлік бітімгерлер орналасқан аймаққа енгізді деп мәлімдеді. Ресми Баку бұл айыпты жоққа шығарды.
Табиғат Нұрболат
