Ресейдің Ми-24 тікұшағы Әзербайжанмен шекаралас Арменияның территориясында зениттік-зымырандық портативті жүйеден атып түсірілді. Бұл туралы ТАСС Ресей қорғаныс министрлігіне сілтеме жасап жазады.
Алдын ала мәліметтер бойынша, экипаждың екі мүшесі қаза тауып, біреуі орташа дәрежеде жарақат алған. Тікұшақ Таулы Қарабахтан 100 шақырым жерде, Нахичеван Автономиялық Республикасының (Әзербайжан Республикасы) шекарасына жақын орналасқан Ерасх ауылының маңында атып түсірілді.
Әзербайжан Ресей тікұшағын атып түсіргенін мойындап, кешірім сұрады. Сондай-ақ Баку барлық өтемақыны төлеуге дайын екенін мәлімдеді. Тікұшақты қараңғы уақытта армян тарапының тікұшағы екен деп қалған және арандату болмас үшін соққы жасауға шешім қабылдаған.
БІЗДІҢ ТЕЛЕГРАМ АРНАМЫЗҒА ҚОСЫЛЫҢЫЗ
Ең соңғы жаңалықтар осында
Жазылу
