Мемлекеттік қауіпсіздік қызметі (МҚҚ) Иранның барлау қызметтері жүргізетін барлау-диверсиялық әрекеттердің жолын кесу мен осы елдің тыңшылық желісін әшкерелеу мақсатында жедел-тергеу іс-шараларының кешенін жалғастырып келеді.
МҚҚ баспасөз қызметінің хабарлауынша, Каспийдегі теңіз кемелерінің бірінде капитан қызметін атқарған жергілікті азамат Захир Аскеров ИИР-дегі Кум қаласында діни оқу кезеңінде көрші елдің арнайы қызметтерінің өкілдерімен жұмысқа қабылданған.
Арнайы қызметтердің мәліметінше, Аскеров Әзербайжанда жұмыс істейтін шет мемлекеттердің компаниялары мен өкілдіктері, Каспий теңізіндегі әскери-теңіз күштерінің оқу-жаттығу орындары мен уақыты, мұнай платформаларына жеткізілетін жүктер туралы ақпаратты Әзірбайжанның егемендігі мен қорғаныс қабілетіне нұқсан келтіру мақсатында жинаумен айналысқан.
Сатқындық жасады деп айыпталған Закир Аскеров деректерді ұялы телефон арқылы немесе Ирандағы тікелей кездесулер арқылы да жеткізген.
Сонымен қатар, Әзірбайжан азаматы Эльнур Расуловтың 2018 жылы Иранда емделіп жатқан кезде көрші елдің арнайы қызметтерінің өкілдерімен жасырын ынтымақтастық туралы келісімге келгені анықталды. МҚҚ ақпараты бойынша, Расулов Telegram әлеуметтік желісі арқылы Тегерандағы "тапсырыс берушілерге" ақпарат жіберген.
