"Тараған ақпарат дұрыс емес. Біреулер менің рұсқатым мен келісімімсіз менің персоналды мәліметтерімді пайдалана отырып, петицияға қатысқан. Сол жерде менің жеке мәліметтерім заңсыз пайдаланылған. Сол себепті мен мемлекеттік органның өкілі болғандықтан және менің кез келген мәлімдемемді халық министрліктің позициясы деп қабылдайтындықтан, мен арыз жаздым. Кім оны істегенін, не мақсатта жасағанын білгім келеді", - деді Ажар Ғиният.
"Яғни сіз Біртанов пен Әбішевті қолдамайсыз ба?" - деген сұраққа министр былай деді:
"Мен ойымды айттым. Бәрі заң аясында шешілуі керек. Біз сот шешімін күтіп отырмыз", - деді Ажар Ғиният.
Еске сала кетсек, экс-министр Елжан Біртанов пен оның бұрынғы орынбасары Олжас Әбішевтің ісіне әлі нүкте қойылмай келеді. Экс-шенеуніктердің ісі аппеляциялық сатыдан өтіп жатыр.
Өткен сот отырыстарының бірінде Елжан Біртанов қазіргі министр Ажар Ғинияттың Олжас Әбішевті сотқа бергенін хабарлаған еді.
"Біз сотта Ажар Ғинияттың полицияға арыз жазып, Біртанов пен Әбішетві қорғау үшін жазылған петицияға қол қоймағанын біліп жатырмыз. Ал сотта біз Ажар Ғинияттың қолын көргенбіз. Сол кезде біз соттан Ғинияттың нақты позициясы қандай деп сұраған едік", - дейді ол.
Біртановтың айтуынша, Ғиният Әбішев қолды өтірік қойды деп күдіктенетін көрінеді.
"Олжас Әбішевты полицияға жауап алуға шақырды. Ол кезде қалалық сотта біздің аппеляцияға берген ісіміз қаралып жатқан. Мұның бәрі Олжас Амангелдіұлына ойға келмейтін психологиялық қысымды жалғастыру үшін жасалып жатқаны анық", - дейді Біртанов.
