Қазақстандық ауыр атлет Александр Уваров Ханчжоуда өтіп жатқан Азия ойындарында қола медальді жеңіп алды, деп хабарлайды Inbusiness.kz сайты Olympic.kz-ке сілтеме жасап.
Уваров 81 келі салмақта өнер көрсетіп, үштікке кірді. Қоссайыс қорытындысы бойынша ол 348 (154+194) келіні еңсерді.
Алтын медальді Солтүстік Кореядан келген Чонгсон Ри еншіледі, оның көрсеткіші 364 (169+195) келі. Осылайша ол Азия ойындарының рекордын жаңартты. Өзбекстаннан келген Мухаммадқодыр Тоштемиров екіші орыннан көрінді, оның жетістігі – 351 (159+192) келі.
Тағы бір отандасымыз Еламан Сейтқазы – 343 (154+189) келіні еңсеріп, төртінші орыннан көрінді.
БІЗДІҢ ТЕЛЕГРАМ АРНАМЫЗҒА ҚОСЫЛЫҢЫЗ
Ең соңғы жаңалықтар осында
Жазылу
