АДБ күн электр станциясын салуға "Байқоңыр Солар" ЖШС-ға теңгелік эквивалентпен 11,5 млн АҚШ доллары көлемінде қарыз берді, деп хабарлады банк.
Бұл келісімге 5 наурызда қол қойылған.
Бұл жоба қуаттылығы 50 мегаватт күн электр станциясын жобалауды, салуды, іске қосуды, пайдалануды және қызмет көрсетуді, сондай-ақ бірыңғай энергетикалық жүйеге қосу үшін қажетті инфрақұрылымды көздейді. Күн электр станциясы жылына 73 гигаватт-сағат электр энергиясын өндіретін болады. Сондай-ақ ол шамамен 150 822 фотоэлектрлік панельден, 14 орталық инверторлы электрстанциядан және бір қосалқы станциядан тұрады деп жоспарлануда. Оңтүстік Қазақстанда салылатын бұл станцияның жер аумағы 150 гектарды құрайтын болады .
"Байқоңыр Солар" ЖШС – "Baiterek Venture Fund"(BVF) АҚ мен UG Energy Limited кәсіпорнына тиесілі Қазақстанда тіркелген арнайы жобалық компания. Ұлыбританияда орналасқан UG Energy Limited компаниясы Қазақстанда өнеркәсіптік күн қондырғыларын салумен айналысады.
