"Азия даму банкі" "ҚазАвтоЖол" ұлттық компаниясына Түркістан облысындағы Сарыағаш қаласын айналып өтетін жаңа жол құрылысына шамамен 370 млн доллар көлемінде несие береді, деп жазады inbusiness.kz сайты.
Құрылысқа қажетті сома жапон иенасымен 58,6 млрд көлемінде рәсімделген және жалпы шығынның 85 пайызын жабады. Ұзындығы 102 шақырым болатын айналма жол Сарыағашты айналып өтіп, Өзбекстанға шығатын бағытты қамтиды.
Жобаны 2030 жылдың қазан айында аяқтау жоспарланып отыр.
Жаңа жол транзиттік көліктерді елді мекен аумағынан шығарып, жол қауіпсіздігін арттыруға және Қазақстан мен Өзбекстан арасындағы сауда тасымалын жеделдетуге тиіс. Ал, қарыз 2045 жылға дейін өтеледі.
БІЗДІҢ ТЕЛЕГРАМ АРНАМЫЗҒА ҚОСЫЛЫҢЫЗ
Ең соңғы жаңалықтар осында
Жазылу
