Ең жойқын "Рагаса" тайфуны Гонконгқа жетті, деп жазады inbusiness.kz сайты.
Соның салдарынан миллиондаған адам зардап шекті. Мамандар қауіп деңгейі жоғары екенін ескертті. Осыған байланысты, Гуандун провинциясынан 2 млн-ға тарта адам эвакуацияланды. 700-ден астам әуе рейсі кейінге шегерілді. Мектептер мен кәсіпорындар да уақытша жұмысын тоқтатты.
"Рагаса" дауылы өткен аптада Тынық мұхитының батысына соқты. Салдарынан Тайванда 17 адам опат болып, тағы 18 адам ауыр жарақат алған. Сондай-ақ 124 адам із-түссіз жоғалып кеткендер тізімінде.
Сарапшылар тайфун әлі де қалаға жақын аумақтарда қауіп төндіріп тұрғанын ескертті.
БІЗДІҢ ТЕЛЕГРАМ АРНАМЫЗҒА ҚОСЫЛЫҢЫЗ
Ең соңғы жаңалықтар осында
Жазылу
