Іс-шара барысында Қазақстанның 14 облысының тұрғындары арасында жүргізілген сауалнаманың нәтижелері жарияланды.
JD EXPERT маркетингтік агенттігінің басшысы Юлия Дмитриеваның айтуынша респонденттердің 99%-ы 2-3 жыл бұрынғымен салыстырғанда азық-түлік құнының 2 есе немесе одан да көп өскенін жеткізген.
"Сауалнамаға 18-70 жас аралығындағы адамдар қатысқан. Олар соңғы уақытта азық-түлік сатып алуды азайтқандарын айтты. Әсіресе, сұралғандардың 70%-ы тәтті санатындағы өнімдерден, атап айтқанда, торттар, сусындардан ішінара немесе толық бас тартқанын хабарлады. Сонымен қатар олар күнделікті тұтынатын өнімдерді сапасы төмен тауарларға ауыстыра бастаған. Жалпы респонденттердің 41%-ы сапа мен дәмнің нашарлағанын да атап өтті", – деді сарапшы.
Сауалнама нәтижесіне сүйенсек, қазақстандықтар жемістер мен көкөністерді тұтынуды азайтқан.
"Респонденттердің 49%-ы пайдалы өнімдерді сатып алудың төмендеткенін немесе қымбатырақ тауарды неғұрлым қолжетімді тауарға ауыстырғанын жеткізді", – деді маркетингтік агенттік басшысы.
Айта кететіні, қазіргі кезде қазақстандықтар орта есеппен табысының 50%-ын тамаққа жұсайды. Еуропа елдерінде бұл көрсеткіш 18%-дан аспайды.
Құралай Құдайберген
