Астанадағы №99 мектеп аумағында АҚИҰ ұжымы қайың мен қарағай көшеттерін отырғызып, елорданы көгалдандыруға, жасыл аймақтарды кеңейтуге және қолайлы қалалық ортаны қалыптастыруға нақты үлес қосты, деп жазады inbusiness.kz сайты.
"Таза Қазақстан" экологиялық айлығы тазалық мәдениетін қалыптастыруға, қоршаған ортаға ұқыпты қарауды дәріптеуге және қоғамдық кеңістіктердің жай-күйіне деген ортақ жауапкершілікті арттыруға бағытталған.
АҚИҰ-ның осы бастамаға қатысуы Ұйымның экологиялық тұрақтылыққа, табиғи ресурстарды ұтымды пайдалануға және табиғатты қорғау бағытындағы нақты шараларды қолдауға деген тұрақты ұстанымын көрсетеді.
Іс-шараға қатысу туралы пікір білдірген Елші Берік Арын тұрақты даму жергілікті деңгейдегі нақты іс-қимылдан басталатынын атап өтіп, көгалдандыру, жерді қалпына келтіру және қоршаған ортаға ұқыпты қарау экологиялық мәдениет пен табиғи ресурстарға деген жауапкершілікті қалыптастыратынын айтты.
Ұлттық сенбілікке қатысу АҚИҰ-ның тұрақты жер пайдалану, экологиялық сана мен болашақ ұрпақ үшін орнықты экожүйелерді қалыптастыру жөніндегі дәйекті жұмысына толық сәйкес келеді.
Азық-түлік қауіпсіздігі жөніндегі Ислам ұйымы осы маңызды азаматтық бастаманы ұйымдастырғаны үшін Астана қаласының әкімдігіне алғысын білдіреді және неғұрлым жасыл, таза әрі тұрақты Қазақстанды қалыптастыруға бағытталған күш-жігерді қолдауға дайын екенін растайды.
