Ашық НҚА порталында Азық-түлік келісімшарт корпорациясының 2021-2030 жылдарға арналған даму жоспарына енгізілетін өзгерістер жобасы жарияланды. Бұл туралы inbusiness.kz сайты хабарлайды.
Жалпы, құжатта корпорацияның әлеуметтік маңызы бар ауылшаруашылық тауар бағасын реттеуге қалай атсалысатыны анықталған.
"Азық-түлік тауарлары бағасының өсуін тежеу үшін "Азық-түлік келісімшарт корпорациясы" астық егістігі және маусымдық бағаның өсуі кезінде ұн тартатын, мал және құс фабрикаларына арзанырақ астықты сату арқылы тауар интервенцияларын қолданады. Осылайша, 1-сұрыпты ұн, әлеуметтік нан және түтік кеспе бағасының өсуін тежеу үшін арзандатылған бағамен азық-түлік астығын (қажет болған жағдайда) сату жоспарланып отыр", - деп түсіндірілген Үкімет қаулысының жобасында.
Сонымен қатар, қажет болған жағдайда сиыр еті, тауық еті және тауық жұмыртқасы бағасының өсуін тежеу мақсатында құс және мал шаруашылығы шаруашылықтарына арзандатылған жемдік астық жіберу көзделіп отыр.
Айта кету керек, нарықтағы бағаға қатысты бөлінетін қаржы қаражаты шегінде Азық-түлік келісімшарт корпорациясының бағдарламалары арқылы қарақұмық жармасы, күріш және күнбағыс майы үшін шикізат сатып алынады.
Осы тұрғыда, корпорация ауыл шаруашылығы өнімдерінің номенклатурасы мен көлемін біртіндеп кеңейтеді, сондай-ақ, арзандатылған азық-түлік және жемдік астықты өткізу көлемін ұлғайтады.
"Тұрақтандыру функцияларын жүзеге асыру шеңберінде астық нарығында Азық-түлік келісімшарт корпорациясының қосылған құн салығын қайтару жүргізіледі. Бұл шаралар нарықтық тұрақтылықты қолдауға және Қазақстанның барлық азаматтары үшін азық-түліктің қолжетімділігін қамтамасыз етуге мүмкіндік береді", - делінген құжатта.
