Премьер-министрдің айтуынша, бұл шара инфляция деңгейін тежеу барысында, қажет болған жағдайда азық-түліктен басқа тауарларға қолданылуы ықтимал.
"Тапшылық орын алып отырған немесе ішкі нарықта бағасы өскен шикізат пен материалдарды экспортқа шығаруға шектеу енгізілуі мүмкін", – деді Асқар Мамин.
Оның сөзінше, шара шеңберінде медициналық қызметтердің кешенді тарифтерін және бірқатар медициналық тауарлардың шекті бағасын алдын ала бекіту қамтамасыз етіледі.
"Ақша-кредит саясаты аясында инфляцияға қарсы шараларды іске асыруға, оның ішінде экономикадағы өтімділік көлемін бақылауды күшейту жолымен іске асыруға назар аударылады. Бұл шаралардың барлығы жыл соңына дейін азық-түліктен басқа тауарлар мен ақылы қызметтердің бағасын жедел түрде тұрақтандырып, инфляцияның жалпы деңгейін бақылауға мүмкіндік береді", – деді премьер-министр.
Қанат Махамбет
