/img/tv1.svg
RU KZ
DOW J 25 771,89 РТС 1 386,20
FTSE 100 6 796,40 KASE 2 302,72
Hang Seng 26 043,35 Brent 50,36
Б. Сапарбаев зейнетақы жүйесін жаңғырту жөніндегі жұмыс тобының отырысын өткізді

Б. Сапарбаев зейнетақы жүйесін жаңғырту жөніндегі жұмыс тобының отырысын өткізді

Вице-премьер қаңтар айының соңына дейін міндеттерді, мерзімдері мен жауапты тұлғаларды көрсетумен Жол картасының жобасын әзірлеуді тапсырды.   

24 Қаңтар 2020 19:23 144

Б. Сапарбаев зейнетақы жүйесін жаңғырту жөніндегі жұмыс тобының отырысын өткізді

Бүгін Үкімет үйінде ҚР Премьер-Министрінің орынбасары Бердібек Сапарбаевтың төрағалығымен зейнетақы жүйесін одан әрі жетілдіру бойынша жұмыс тобының кезекті отырысы өтті, деп хабарлайды primeminister.kz сайты.

Отырысқа еңбек және халықты әлеуметтік қорғау министрі Біржан Нұрымбетов, «Қазақстан қаржыгерлер қауымдастығы» ЗТБ кеңесінің төрағасы Елена Бахмутова, «First Heartland Jysan Bank» АҚ Директорлар кеңесінің мүшесі Болат Жәмішев, ҚР Президентінің штаттан тыс кеңесшілері Тамара Дүйсенова және Олжас Құдайбергенов, сондай-ақ мемлекеттік органдар мен үкіметтік емес ұйымдардың, «Атамекен» ҰКП өкілдері, сарапшылар мен қоғам қайраткерлері қатысты. 

«Жалпы, Мемлекет басшысы жұмыс тобының ұсыныстарын қолдады. Енді Президенттің тапсырмаларын ескерумен біздің жұмысымызды жалғастыру қажет, оның ішінде зейнетақы жүйесін одан әрі жаңғыртуды жеделдету, әкімшілік шығындарды қысқарту, ең төменгі жалақы көлемін және жинақтаушы зейнетақы жүйесінің тиімділігін арттыру мәселесін пысықтау керек», – деді Б. Сапарбаев.

Сонымен қатар жұмыс тобы зейнетақы жинақтарының бір бөлігін пайдалану бастамасын іске асыру бойынша жұмыстарды жалғастырады. 

«Тұрғын үй сатып алу және қымбат тұратын емге ақы төлеу үшін зейнетақы жинақтарын пайдалану ұсынысына қолдау білдірілді. Бұл құқықты пайдалана алатын азаматтарды кезең-кезеңмен қамтуды арттыруды ескерумен қосымша есептеулер жүргізу қажет», – деді вице-премьер.

 

inbusiness.kz-ті қараңыз, оқыңыз :

Бразилия билігі зейнетке шығу жасын ұлғайтпақ

Бразилия Конгресінің төменгі палатасы зейнетақы жүйесі туралы заңды мақұлдады. 

11 Шілде 2019 16:21 252

Бразилия билігі зейнетке шығу жасын ұлғайтпақ

Депутаттардың 379-ы оны жақтап, 131-і қарсы болған, деп хабарлайды Atameken Business.

Апта соңында екінші оқылым болады. Содан кейін заңды сенаторлар қарайды.

Дегенмен халық жаңа Президент жасағалы жатқан әлеуметтік реформаға қарсы. Олар биліктің отставкаға кетуін талап етеді. Ал Жаир Больсанару болса, зейнет жасын 65-ке дейін ұлғайтып, жұмысшыларға салықты еселеу арқылы бюджет тапшылығын толтырғысы келеді. Оның есебіне сүйенсек, зейнетақы мөлшерін азайту және бірқатар жеңілдіктерді жою арқылы 236 млрд доллар үнемдеуге болады.

Қазақстанда халықтың тек жартысы жинақтаушы зейнетақы жүйесіне сенбейді

Әлеуметтік сауалнама нәтижесі бойынша Қазақстан халқының отандық зейнетақы жүйесіне деген сенім индексі ықтимал 10 баллдың небары 5,9 баллын құрады.

13 Желтоқсан 2018 12:11 384

Қазақстанда халықтың тек жартысы жинақтаушы зейнетақы жүйесіне сенбейді

Жинақтаушы зейнетақы жүйесіне деген сенім және қаржылық сауаттылық деңгейі мәселелері бойынша тұрғындардың көңіл-күйін анықтау мақсатында БЖЗҚ жыл сайын тәуелсіз компания жалдап, қаржысын төлеп, қазақстандықтар арасында әлеуметтік сауалнама жүргізеді. Соның биылғы қорытындысы жарияланды, деп хабарлайды abctv.kz.

Әлеуметтік сауалнама нәтижесі бойынша Қазақстан халқының отандық зейнетақы жүйесіне деген сенім индексі ықтимал 10 баллдың небары 5,9 баллын құрады.

Әлеуметтік-демографиялық сипаттама тұрғысынан жасалған талдау бұл жүйеге не ересек өмірге енді ғана аяқ басқан жастардың немесе зейнет алдында тұрғандар ғана көбірек үміт артатыны мәлім болды. Нақтырақ айтқанда, 18-29 және 60-65 жас аралығындағы азаматтар, сондай-ақ, ауыл тұрғындары мен мемлекеттік қызметкерлер арасында жинақтаушы зейнетақы жүйесіне деген сенім деңгейінің жоғары екендігі белгілі болды.

Ал 30 бен 60 жас аралығындағы азаматтардың бұл мәселеде күмәні басым.

«Сауалнамаға жауап бергендердің 58 пайызы Қазақстандағы зейнетақымен қамсыздандыру туралы базалық ақпаратқа ғана ие. Тек 25 пайызының жүйеге қатысты білімі көп. Бұл ретте тұрғындардың көпшілігі (61%-ы) зейнет жасында қаржылық әл-ауқаттың негізі – зейнетақы жинақтары болады деген пікірді құптаса, қазақстандықтардың жартысынан астамы (50,4%) болашақ зейнетақыға өздері жауапты болатындығын түсінеді және тұрғындардың 85 пайызы қолданыстағы зейнетақы жарналарының бірі туралы хабардар», – дейді БЖЗҚ.

БЖЗҚ бүгінде бұл көрсеткіштерді арттыру бойынша жұмыстар жүргізіп жатқанын хабарлады. Мәселен, кәсіпорындар мен ұйымдарда көшпелі таныстырылым шараларын өткізуде. 2017-2018 жылдарында барлығы 40 мыңға жуық таныстырылым шарасын өткізіпті. Оған 1,2 млн адам немесе жұмыспен қамтылған халықтың 14 пайызы қатысты. Тұрғындар арасында зейнетақыны жоспарлау мәдениетін қалыптастыру және олардың қаржылық сауаттылығын арттыру мақсатында 2018 жылдан бері зейнетақыны жоспарлау бойынша дербес кеңес беру қызметі іске қосылды. Онда зейнетақы калькуляторының көмегімен зейнетақы жарналарын аударудың артықшылықтарын түсіндіру жұмыстары жүргізіледі.     

Күні бүгінге дейін жарты миллионға жуық адам қызығушылық танытып, дербес кеңес алды.

Жаңалықтарға жазылу: