Президент Қасым-Жомарт Тоқаев елдегі қымбатшылыққа алаңдаушылық білдірді. Әлемде ушыққан геосаяси ахуал үлкен дағдарысты алып келді. Алайда даурығуға негіз жоқ дейді Президент. Мемлекет басшысы қаржылық қиындықты қалай жеңбек?
Елде азық-түлік қоры жеткілікті деп Үкімет қанша айтқанымен ел ішінде дүрбелең басылар емес. Өскеменде тұрақтандыру қорындағы тауарлар жетіспей жатыр. Дүкендерге жеткізілген тауарлар тез таусылып қалуда. Сондықтан халық ең көп тұтынатын азық-түліктердің кейбірі шектеліп сатылуда. Атырауда да әлеуметтік маңызды тауарларға сұраныс күрт артқан. Саудагерлер бір айлық жоспарды 2-3 күнде орындап тастауда. Ал Шымкентте қант тапшы. Табылған күннің өзінде бір қолға 2-3 келіден артық берілмейді. Әлеуметтік тауарлар жайын өңірдегі әріптестерім байқап көрген еді. Бейнематериалға назар аударайық.
