Ирак астанасы Бағдадта жарылғыш зат қойылған жүк көлігінің күлі көкке ұшты. Салдарынан 17 адам қаза болып, 60-тан астамы түрлі жарақат алды, деп хабарлайды 24.kz.
Оқиға шаһардың оңтүстігіндегі бақылап өткізу бекетінде болды. Жанкешті мінген жүк көлігі тексеру кезегінде тұрғанда жарылған. Жарылыс салдарынан жақын маңайдағы бірнеше көлік өртенген.
Әзірге ешбір топ жауапкершілікті өз мойнына алған жоқ. Дегенмен жергілікті биліктің пайымдауынша, бұл "Ирак пен Леванта лаңкестік тобы" жендеттерінің ісі болуы мүмкін. Өйткені елдегі қанды қырғындардың денін осы топтың содырлары ұйымдастырады.
БІЗДІҢ ТЕЛЕГРАМ АРНАМЫЗҒА ҚОСЫЛЫҢЫЗ
Ең соңғы жаңалықтар осында
Жазылу
