Ол бағдарлама дайын екенін және қаржы мәселесі толықтай шешілгенін айтты, деп хабарлайды inbussines.kz тілшісі.
"Мемлекеттік комиссия қызметін қамтамасыз ету мақсатында "Қазақстанда XX - ғасырдың 20-50 жылдарындағы жаппай саяси қуғын-сүргін және ақтау процесі" бірыңғай деректер базасын қалыптастыру тақырыбында арнайы ғылыми бағдарлама әзірленді. Бағдарлама дайын, қаржы мәселесі толықтай шешілді. Бағдарламаны келесі аптада жоғары ғылыми-техникалық кеңестің отырысында қарастырамыз", – деді Ералы Тоғжанов.
Оның айтуынша, кеңес құрамында 11 мемлекеттік органның өкілі, 6 ғалым бар.
"Барлық өңірде әкімдердің орынбасарлары басқаратын арнаулы өңірлік комиссия құрылды. Олардың да құрамына жергілікті ғалымдар, қоғам өкілдері, мәслихат депутаттары енді. Жергілікті комиссиялар аймақтық мұрағаттарға қатысты жұмыстарды атқарады", – деді Ералы Тоғжанов.
Қанат Махамбет
