Премьер-Министр Олжас Бектенов Төтенше жағдайлар министрлігіне елдегі сейсмологиялық ахуалға тұрақты мониторинг жүргізуді тапсырды, деп хабарлайды inbusiness.kz сайты.
"Төтенше жағдайлар министрлігі, әкімдік және басқа да мемлекеттік органдар орын алған жағдайға қатысты шұғыл әрекет ете білді. Бұл жолы дабыл сиренасы мен халықты құлақтандыру жүйесі уақытылы іске қосылды. Қала халқы қабылдау пункттеріне эвакуацияланды. Бағымызға қарай, айтарлықтай зардаптар болған жоқ. Қазір болған жағдайды есептеу-бағалау жұмыстары жалғасып жатыр", - деді Үкімет басшысы.
Ол ТЖМ-ге елдегі сейсмологиялық ахуалға тұрақты мониторингті қамтамасыз етуді тапсырды.
"Күштер мен құралдар сақадай сай болуға тиіс. Халықпен ақпараттық түсіндіру жұмыстарын жалғастыру қажет. Сондай-ақ, Төтенше жағдайлар министрлігі еліміздің таулы аймақтарында сел және лай көшкіні жүру қауіпіне қатысты тиісті мониторингті қамтамасыз етуі тиіс. Төтенше жағдай қаупі туындаған кезде шұғыл әрекет ету шараларын қабылдаңыздар", - деп атап өтті Олжас Бектенов.
