/img/tv1.svg
RU KZ
FTSE 100 5 671,96 РТС 1 014,44
Hang Seng 23 497,47 KASE 2 224,17
DOW J 21 990,02 Алтын 1 597,30
Бахрейндік «жеңгейтайлардың» Қазақстанда сыбайластары болған

Бахрейндік «жеңгейтайлардың» Қазақстанда сыбайластары болған

Бахрейнде Қазақстан азаматтары 20 шақты отандасымызды жезөкшелікке мәжбүрлеген.

27 Ақпан 2020 14:03 107

Бахрейндік «жеңгейтайлардың» Қазақстанда сыбайластары болған

Фото: sputniknews.kz

Аумағы ең кішкентай араб еліндегі бұл былыққа қазақстандықтардың қатысы бар екенін еліміздің құқық қорғау органдары әшкерелепті. Бұл туралы ҚР СІМ ресми өкілі Айбек Смадияров жариялады.

«Естеріңізде болса, осыдан шамамен бір аптадан астам уақыт бұрын 21 Қазақстан азаматшасын сексуалды құлдықтан құтқарған едік. Қазір олардың жағдайы жақсы, бәрі елге қайтарылды. Осыған қатысты тергеу шаралары жүргізіліп жатыр. Әзірге тергеудің қалай жүріп жатқанын егжей-тегжейлі айта алмаймын. Бұл іске өзге елдердің азаматтарымен қатар қазақстандықтардың қатысы бар болып шықты. Олар ұйымдасқан топ болып әйелдерді жезөкшелікке мәжбүрлеген», – деді Смадияров.

Айтуынша, осы жағдайға қатысты толық ақпарат тергеу біткеннен кейін жарияланатын болады.

Еске сала кетсек, бұған дейін Бахрейн елінде арнайы операция барысында Қазақстан елшілігінің көмегімен 21 қазақстандық әйел сексуалды құлдықтан құтқарылған болатын. Жас қыздарды Бахрейн қонақ үйлерінде жұмыс істейсіңдер деп алдап шақырып алғаны анықталды. Манама қаласына келген бойда олардың паспорттарын тартып алып, сексуалды сипаттағы қызмет көрсетуге күштеп мәжбүр еткен. Ал қарсылық танытқан кезде оларды ұрып-соққан көрінеді.

inbusiness.kz-ті қараңыз, оқыңыз :

Бахрейнде 21 қазақстандық қыз сексуалдық құлдықтан босатылды

ҚР СІМ-нің хабарлауынша, зардап шеккендер арнайы оңалту орталығына орналастырылып, жуық арада Қазақстанға қайтарылады.

11 Ақпан 2020 12:43 1450

Бахрейнде 21 қазақстандық қыз сексуалдық құлдықтан босатылды

Фото: mfa.gov.kz

Қазақстанның Сауд Арабиясындағы Елшілігінің жәрдемімен Бахрейн полициясы 21 ҚР азаматшасын сексуалдық құлдықтан босатты, деп хабарлайды ҚазАқпарат сыртқы саясат ведомоствосының баспасөз қызметіне сілтеме жасап.

Жақсы жалақы алу уәдесіне сенген жас қыздар Бахрейнге қонақ үйде қызмет көрсету саласында жұмыс жасауға келген. Алайда, келген бойда күтіп алушылар олардың құжаттарын тартып алып, жезөкшелікпен айналысуға мәжбүрлеген. Бағынбаған жағдайда күш көрсеткен.

Қазіргі уақытта барлық күдіктілер, соның ішінде қазақстандық азаматшалар ұсталып, тиісті тергеу жұмыстары жүргізілуде. Зардап шеккендер арнайы оңалту орталығына орналастырылып, жуық арада Қазақстанға қайтарылады.

АҚШ-та Қазақстан азаматының ұсталғандығы туралы ресми ақпарат түскен жоқ – СІМ

АҚШ-та заңсыз көші-қонмен күрес қарқынды жүруде.  

09 Желтоқсан 2019 16:54 543

АҚШ-та Қазақстан азаматының ұсталғандығы туралы ресми ақпарат түскен жоқ – СІМ

Нью-Йорк полициясынан Қазақстан азаматының ұсталғандығы туралы ресми ақпарат түскен жоқ. Бұл туралы бүгін ҚР Сыртқы істер министрлігінің ресми өкілі Айбек Смадияров айтты, деп хабарлайды ҚазАқпарат.

«Нью-Йоркте Қазақстан аумағында іздеуде жүрген қазақстандық азаматтың ұсталғандығы туралы ақпаратқа орай мынаны айтқым келеді. Әзірше, Нью-Йорк полициясынан ресми ақпарат бізге келіп түскен жоқ», – деді ресми өкіл.

Оның атап өтуінше, қазіргі уақытта америкалық тарап заңсыз көші-қонмен күрес жүргізіп жатыр және ел аумағында жүрген заңсыз мигранттарды анықтау үшін үнемі рейдтер өткізіп тұрады.

«Кейде америкалық полиция біздің азаматтарды ұстағанымен, мән-жай анықталғаннан соң, жібере салады. Алайда оны біздің дипломатиялық өкілдігімізге хабарламайды. Осындай да жайт орын алуы мүмкін», – деді Айбек Смадияров.

Бұған дейін АҚШ-тың Нью-Йорк қаласындағы Көші-қон және кеден басқармасының қызметкерлері 12 шетелдік қашқынды ұстағанын, оның арасында Қазақстан азаматы да бар екендігін хабарлаған болатынбыз.

Жаңалықтарға жазылу: