Бахрейннен адам саудасымен айналысқан 33 жастағы Қазақстан азаматы экстрацияланды, деп хабарлайды inbusiness.kz.
Бас прокуратура мен Ішкі істер министрлігінің қызметкерлері бірлесіп, Бахрейн корольдігінен 1989 жылы туған қазақстандықты экстрадициялады.
"Ол Бахрейн корольдігінде жыныстық қанау мақсатында кәмелетке толмаған Қазақстан азаматын сатты деген күдікке ілінген. Қылмыс жасағаннан кейін күдікті қылмыстық қудалау органдарынан жасырынған. Ол халықаралық іздеу жарияланған", – деп жазылған Бас прокуратура таратқан хабарламада.
Бүгінде күдікті Нұр-Сұлтандағы тергеу абақтысында қамауда отыр.
Айта кетейік, осыған дейін бұл қылмысқа қатысы бар бірқатар адам ұзақ мерзімге сотталған еді.
БІЗДІҢ ТЕЛЕГРАМ АРНАМЫЗҒА ҚОСЫЛЫҢЫЗ
Ең соңғы жаңалықтар осында
Жазылу
