Алматы әкімі Ерболат Досаев өзінің жеке қабылдауына кірмек болған Наурызбай ауданының тұрғындарымен сөз таластырды. Әкімнің сөзіне қарағанда, оған "өз мәселелерін айтқысы келетін" алматылықтардың қалың тізбегі тізіліп қойған, деп жазады inbusiness.kz сайты.
Жиын соңында қала тұрғындары әкімге оның жеке қабылдауына кіруге қиынға соғып жатқанын айтып, шағымданды.
"Мені жеке қабылдауыңызға жазыңызшы, өтініш. Мен Байбек пен Есімов заманынан бері кезекте тұрмын, әкімнің қабылдауына заң бойынша кіруім керек", - деді Алматы қаласының тұрғыны Досаевқа.
Бұған жауап ретінде әкім әйелден барлығын "заң бойынша" істеуді және адамдарды алдамауды сұрады.
"Мен сізді қабылдадым, жалған сөйлемеңіз. Мәселелерін айту үшін адамдар үлкен кезекте тұр. Сіздің кезегіңіз келгенде, мен сізді міндетті түрде қабылдаймын", - деді әкім.
Наурызбай ауданының тағы бір тұрғыны электронды e-otinish қызметі арқылы әкімнің қабылдауына жазылуға әрекеттенгенін айтты, бірақ өтініші үнемі қайта бағытталатынын жеткізді.
"Сіз бәрін көрмейсіз. Өтінішті жіберген кезде сіз жеке кездесуге қанша адам тұрғанын көре алмайсыз. Бұл мен тұрғындармен кездескім келмейді деген сөз емес, мен желіні үзе алмаймын, уақытым да жоқ", - деп жауап берді Досаев.
Бұған дейін Алматы әкімі өз атына айтылған сындар мен алматылықтардың мемлекеттік қызмет көрсету сапасының төмендігі туралы шағымдарына ренжіп қалған болатын. Досаевтың айтуынша, оның өзі қаланы аралап, оң өзгерістерді көріп отыр. Әкім мегаполис игілігі үшін шын жүректен еңбек етіп жатқанын мақтан ете аламын деп есептейді.
