АҚШ президенті Джо Байденнің әкімшілігі Конгресті Израильге 1 миллиард доллардан астам қару-жарақ жеткізуге жаңа келісімшарттар жасалып жатқанынан хабардар етті, деп жазады Inbusiness.kz сайты Wall Street Journal ақпараттандырылған дереккөздерге сілтеме жасап.
Олардың айтуынша, бөлінген ақшаға құны $700 млн танктерге арналған оқ-дәрілер, $500 млн сомасына тактикалық көлік құралдары мен $60 млн-ға миномет снарядтары жеткізіледі. Оқ-дәрілер ХАМАС соғысы кезінде пайдаланылған қорларды толықтыруға арналған.
Өткен аптада Байден Израиль Рафахта әскери операцияны бастаса, оған қару-жарақтың кейбір түрлері берілмейтінін айтты.
"Егер Израиль әскерилері қаланың тығыз қоныстанған аудандарына кірсе, мұндай шешім қару-жарақты жеткізуге әсер етеді. Ауқымды шабуылға қару-жарақ бөлінбейді", - деді ол CNN-ге берген сұхбатында.
Ақ үйдің басшысы Рафахтағы Израильдің ауқымды операциясы "мүлдем қате шешім" екенін атап өтті.
"Біз мұндай мақсатта қару-жарақ, артиллериялық оқ-дәрілерді жеткізбейміз", - деп қосты ол.
Сонымен бірге, Америка президенті АҚШ кез-келген жағдайда Израильдің әуе қорғанысы жүйесіне қажет нәрсенің бәрін беруді жалғастырады деп уәде берді.
