Араб-израиль қарым-қатынасының кеңеюі Иерусалимдегі Ақ үйдің Ұлттық қауіпсіздік жөніндегі кеңесшісі Джейк Салливан мен Израиль премьер-министрі Биньямин Нетаньяху арасындағы кездесудің басты тақырыбына айналды, деп хабарлайды Inbusiness.kz "Америка дауысына" сілтеме жасап.
Салливан - желтоқсан айында ант беріп, ел тарихындағы ең оңшыл деп санайтын коалицияны басқаратын Нетаньяхумен кездескен Байден әкімшілігінің ең алғашқы жоғары лауазымды шенеунігі.
Олар иранның ядролық бағдарламасын тоқтату жөніндегі бірлескен шараларды және "Сауд Арабиясымен қарым-қатынаста серпіліс жасауға баса назар аудара отырып" Авраам келісімдерін тереңдету жолдарын талқылады", - делінген Нетаньяху кеңсесінің мәлімдемесінде.
Авраам келісімдері Израиль мен оның араб көршілері Бахрейн мен БАӘ арасындағы дипломатиялық қатынастарды қалыпқа келтіруді көздейді, 2020 жылы АҚШ-тың бұрынғы президенті Дональд Трамптың әкімшілігінің көмегімен қол жеткізілді. Көп ұзамай олардан кейін Марокко мен Суданмен келісімдер жасалды.
