Байқоңырдан "Союз-2.1 а" ғарыш кемесі ұшырылды

1034

Байқоңыр ғарыш айлағынан "Прогресс-МС-18" жүк кемесі бар "Союз-2.1 а" зымыран-тасығышы ұшырылды, деп хабарлайды inbusiness.kz "Интерфакс-Қазақстан" ақпарат агенттігіне сілтеме жасап. 

Байқоңырдан "Союз-2.1 а" ғарыш кемесі ұшырылды

Жоспарға сәйкес ғарыш кемесі 30 қазанда Халықаралық ғарыш станциясына жетіп, бекітілуі керек. 

"Роскосмос" мәліметінше, кемеде 1 490 келіге жуық түрлі жабдық пен материалдар, оның ішінде ресурстық аппаратура мен зертханадан тыс қызметке арналған құралдар, медициналық бақылау және санитарлық-гигиеналық қамтамасыз ету құралдары, киім-кешек, тамақ және  негізгі экспедиция мүшелеріне арналған жаңа өнімдер, сондай-ақ "Матрешка-Р", "Биомаг-М", "Асептик", "Структура" және "Фотобиореактор" ғарыштық эксперименттерді жүргізуге арналған құралдар бар. 

Сондай-ақ халықаралық ғарыш станциясына 560 келі жанармай, "Родник" жүйесінің багына 420 литр су мен және оттегі баллондарына 43 келі сығылған ауа жеткізілуі керек. 

Telegram
БІЗДІҢ ТЕЛЕГРАМ АРНАМЫЗҒА ҚОСЫЛЫҢЫЗ Ең соңғы жаңалықтар осында
Жазылу