/img/tv1.svg
RU KZ
DOW J 21 078,72 Hang Seng 23 076,46
FTSE 100 5 429,34 РТС 987,75
KASE 2 212,62 Brent 24,87
Байтолла Ғазизов Атыраудағы үш науқастың да жағдайын мәлім етті

Байтолла Ғазизов Атыраудағы үш науқастың да жағдайын мәлім етті

Екінші науқас 17 наурыз күні келген.

27 Наурыз 2020 15:19 68

Байтолла Ғазизов Атыраудағы үш науқастың да жағдайын мәлім етті

Атырау облыстық коммуникациялар қызметінде өткен онлайн брифингте Атырау облысы денсаулық сақтау басқармасы басшысы Байтолла Ғазизов өңірдегі қазіргі коронавирустік инфекция жағдайы туралы хабардар етті.

«Өкінішке орай, бүгін коронавирус инфекциясын жұқтырған 3 адам анықталды. Бірінші науқас 21 наурыз күні Нұр-Сұлтан қаласынан Атырауға келген. 26 наурызда жоғарғы тыныс алу жолдарының инфекциясының белгілері болуына байланысты жедел түрде анализдер алынды. Нәтижесінде инфекция жұқтырғаны анықталды. Екінші науқас 17 наурыз күні Стамбұлдан Алматыға, одан кейін Атырауға ұшып келген. Нұр-Сұлтанда Стамбұлдан Алматыға келгендер арасында инфекция жұқтырған бір адам болғанын білесіздер. Соған байланысты қарым-қатынаста болғандықтан, кеше ол адамның анализін алдық. Нәтижесінде инфекция жұқтырғаны анықталды. Үшінші науқас Атырауға Амстердамнан кеше келген. Ол науқас бірден карантинге жатқызылып, оның да инфекция жұқтырғаны белгілі болды. Үш науқастың да жағдайы қанағаттанарлық. Тиісті протоколға сай емдеуге жатқызылып, ем-дом шаралары жасалып жатыр. Олардың жағдайлары тұрақты бақылауда», – деп Байтолла Ғазизов.

Нұржан Көшкін

inbusiness.kz-ті қараңыз, оқыңыз :

Павлодардағы науқас коронавирусты Нұр-Сұлтанда жұқтырған

Қазіргі уақытта науқастың жағдайы қалыпты.

27 Наурыз 2020 16:48 65

Павлодардағы науқас коронавирусты Нұр-Сұлтанда жұқтырған

Павлодар облыстық денсаулық сақтау басқармасы басшысының міндетін атқарушы Біржан Досмайылов өңірдегі қазіргі коронавирустік инфекция жағдайын мәлім етті.

«27 наурыз күні Павлодар облысының 1988 жылы туған тұрғынынан коронавирус инфекциясы анықталды. Ол ер адам бұған дейін Нұр-Сұлтан қаласында коронавирус инфекциясына шалдыққан адаммен қарым-қатынас жасаған. Пациент бекітілген алгоритмге сәйкес инфекциялық госпитальге жатқызылды. Қазіргі уақытта пациенттің жағдайы қалыпты. Дене температурасы тиісті деңгейде. Денсаулығына шағымданған жоқ. Ол адаммен байланысқа түскендер анықталып, эпидемияға қарсы шаралар қолданылды», – деді Біржан Досмайылов.

Нұржан Көшкін

Карантин ережелерін бұзғандар қылмыстық жауапкершілікке тартылуы мүмкін

4 адамның үстінен іс қозғалды.  

24 Наурыз 2020 18:37 196

Карантин ережелерін бұзғандар қылмыстық жауапкершілікке тартылуы мүмкін

Карантин режимін бұзып, ауруханаға жатудан бас тартқан адамдар болды. Қазіргі кезде олардың төртеуінің үстінен Қылмыстық кодекстің 304-бабы бойынша іс қозғалып, тергеу амалдары жүріп жатыр, деп хабарлады Ақпарат және қоғамдық даму министрі Дәурен Абаев. 

«Қазір карантин режимін бұзу фактісі бойынша 4 адамның үстінен Қылмыстық кодекстің 304 - бабы бойынша іс қозғалып, тергеу амалдары басталды. Мәселен, Түркістан облысында карантинге жатқызылып, кейін сол ауруханадан қашып кеткен азаматтың үстінен іс қозғалды. Нұр-Сұлтан қаласында коронавирус диагнозы расталған азаматша байланыста болған адамдар туралы ақпарат беруден бас тартты. Осылай карантин ережелерін бұзғандар қылмыстық жауапкершілікке тартылуы мүмкін», – деді министр.

Жаңалықтарға жазылу: