Әзербайжан Шекара қызметі 1990 жылдардан бастап Армения бақылауында болған төрт ауыл: Баганис-Айрумды, Ашагы-Аскипарды, Хейримли және Қызылғаджылы ауылдарын бақылауға алды, деп жазады inbusiness.kz сайты.
Бұл туралы әзербайжандвқ БАҚ Армениямен шекараны делимитациялау жөніндегі комиссияны басқаратын Республика вице-премьері Шахин Мұстафаевтың баспасөз қызметіне сілтеме жасап хабарлады.
Өз кезегінде Арменияның Ұлттық қауіпсіздік қызметі (ҰҚК) армян шекарашылары 24 мамырдан бастап Тавуш облысының үш шекара маңындағы ауылдарының - Беркабер, Воскепард мен Баганистің аумақтарын күзетуге кірісетінін хабарлады. Қорғалатын учаскенің ұзындығы шамамен 7 шақырымды құрайды.
"2024 жылғы 24 шілдеге дейін ұзындығы 5,8 шақырым болатын Киранц кентінің жанындағы мемлекеттік шекара учаскесін күзету өтпелі схема бойынша жүзеге асырылатын болады", - деп толықтырды ҰҚК.
Осылайша, Армения мен Әзербайжан солтүстік шекарадан өз әскерлерін алып кетіп, учаскелерді бақылауды шекара қызметіне берді.
