Баку халықаралық әуежайында 23 желтоқсан күні таңертең Qantas Airways авиакомпаниясының әуе кемесінің мәжбүрлі қонуына байланысты дабыл жарияланды, деп хабарлайды Inbusiness.kz Гейдар Әлиев ат. әуе айлағының баспасөз қызметіне сілтеме жасап.
Сингапур — Лондон бағытымен жүретін ең ірі австралиялық авиакомпанияның Airbus A380 жүк қоймасында түтін шыққандықтан Баку әуежайына апаттық қонуды сұрады. Лайнер жергілікті уақыт бойынша 07.08-де (Астана уақытымен 06.08) қонды, штаттан тыс жағдайдан зардап шеккендер жоқ. Әуе кемесінің бортында 356 жолаушы болған.
Жарияланған дабылға байланысты Баку әуежайында барлық авариялық-құтқару қызметтері дайындыққа көшті. Қазіргі уақытта А380 тексеріліп, болған жағдайдың барлық мән-жайлары мен себептерін анықтауға бағытталған қажетті шаралар кешені жүргізілуде, деп атап өтті әуежайдың баспасөз қызметі.
