Әзірбайжан астанасы Бакуде бокстан "Жібек жолы" халықаралық турнирі аяқталды. Ақтық сында бақ сынаған алты қазақстандық боксшының бесеуі жеңіліс тапты, деп жазады Olympic.kz.
49 келіге дейінгі салмақта сынға түскен Шалқар Айқынбай финалда Өзбекстан боксшысын жеңіп, турнир жеңімпазы атанды.
52 келідегі Олжас Байниязов, 56 келідегі Оразбек Асылқұлов, 64 келідегі Сабыржан Бекбергенов, 69 келідегі Мәулен Өскенбек және аса ауыр салмақтағы Данила Семеновтар алтын үшін айқаста сүрініп, күмісті қанағат тұтты.
Еске сала кетейік, Бакудегі турнирге ұлттық құраманың екінші және үшінші нөмірлі спортшылары аттанған болатын.
БІЗДІҢ ТЕЛЕГРАМ АРНАМЫЗҒА ҚОСЫЛЫҢЫЗ
Ең соңғы жаңалықтар осында
Жазылу
