Баннер втб
RU KZ
Бақыт Сұлтанов испандық Effe телеарнасына сұхбат берді

Бақыт Сұлтанов испандық Effe телеарнасына сұхбат берді

07 Сәуір 2019 09:12 464

Бақыт Сұлтанов испандық Effe телеарнасына сұхбат берді
Елорда басшысы сұхбатты «Welcome to Nur-Sultan, try the changes (Нұр-Сұлтанға қош келіңіздер, өзгерістерді көріңіздер!» деп аяқтады.

Шаһар басшысы Лиссабонда өткен қала таныстырылымы астаналықтардың болашақтағы табысына оң ықпал ететініне сенім білдірді, деп хабарлайды Елорда Инфо.

«Кеше испандық Effe телерадиокорпорациясы халықаралық іс-шараның аясында берген сұқбатымды көрсетті. Пиреней түбегі мен испан тілді елдерден келуге ниет білдірген туристер біз туралы біршама мәлімет алды деп ойлаймын. Нұр-Сұлтан қаласының таныстырылымы астаналықтардың болашақтағы табысына оң ықпал ететін болады. Ең маңыздысы, басты қаламыз арқылы бүкіл Қазақстанға қызығушылық артады», – деп жазды Бақыт Сұлтанов өзінің Фейсбук парақшасында.

Айта кетсек, Лиссабонда (Португалия) елорда әкімі Бақыт Сұлтанов UNWTO-ға мүше елдер қалаларының басшылары мен туризм министрлерінің форумында Нұр-Сұлтанды Дүниежүзілік туристік ұйымның қалалық туризм бойынша 8-ші Жаһандық саммитін (2019 жылдың 7-11 қазаны) өткізу орны ретінде таныстырды.