Бүгін үкімет үйінде мемлекет басшысы Нұрсұлтан Назарбаевтың қатысуымен үкіметтің кеңейтілген отырысы өтті. ҚР премьер-министрі Бақытжан Сағынтаев 2017 жылдағы жұмыстардың қорытындысы мен 2018 жылға арналған міндеттер туралы баяндамасында макроэкономикалық ахуал жақсарғанын айтты, деп хабарлайды primeminister.kz.
"Инфляция 7,1%-ға дейін төмендеді. Мемлекеттік қаржы тұрақтылығының қауіпсіз деңгейі қамтамасыз етілді. Сыртқы қарыз ІЖӨ шаққанда 26% аспайды. Республикалық бюджетке түсім 26,3% көбейді. Мемлекеттің әлеуметтік міндеттемелері толық көлемде орындалды. Сіздің тапсырмаңыз бойынша базалық әлеуметтік жәрдемақылар өсті. Еңбегі бойынша зейнетақы көлемі 20%-ға дейін ұлғайды. Бала дүниеге келгенде берілетін біржолғы жәрдемақы 27%-ға көтерілді. Жұмыссыздық деңгейі 4,9% құрады", - деді премьер-министр.
Сонымен қатар, 4 млн адамға жуық адам қатысқан "Болашақтың Энергиясы" ЭКСПО 2017 көрмесін өткізу маңызына тоқталды.
