Премьер-министр Бақытжан Сағынтаев жұмысы тиімсіз және жекешелендірілмеген мемлекеттік мекемелерді жабуға тапсырма берді, деп хабарлайды 7kun.kz.
"90-жылдардан бері пайдасыз мекемелер жинақтала берген, олардан құтылу керек. Бұл оңай шаруа емес. Экономиканы модернизациялау барысында барлығына тік қарауымыз керек: егер ол мекеменің болашағы жоқ болса, онда адамдардың жұмыс істеп жатқанына қарамастан, жабу керек (…). Бізге қайдағы бір түсініксіз компанияларды қайта-қайта субсидиялаудан не пайда, бәрібір олардың өнімдері ешкімге қажет емес", - деді ол Астанада өткен "Атамекен" КҰП IV съезінде.
Сонымен бірге, премьер-министр бұл мекемелердегі жұмыссыз қалғандарды жұмысқа орналастыру қажеттігін де айтты.
"Бұл адамдарға айлықтарын кешіктірмейтін, жалақысы төмен емес және қандай да бір дау-дамай туындамайтын жерден жұмыс тауып беру үшін ең біріншіден база жасақтау қажет. Олар жұмыс істеп, отбасын асырайтын болады", - деді Б.Сағынтаев.
