Ақмола облысы Степногорск қаласындағы балабақша ғимаратында жұмыс істеп тұрған тұшпара цехы, шағын наубайхана және түрлі ұйым мен кәсіпорын қызметкерлеріне арналған жатақхана анықталды, деп жазады inbusiness.kz сайты 716.kz-ке сілтеме жасап.
Қолданыстағы нормалар мен ережелерге қайшы келетін заңсыздықтар прокуратураның тексеруімен анықталды. Степногорск қалалық санитарлық-эпидемиологиялық бақылау бөлімінің басшысы балабақшаның санитарлық ережелер мен гигиеналық нормаларды сақтауы туралы қорытындыға нысанға бармай-ақ қол қойған.
Нәтижесінде заңсыз берілген қорытындының күші жойылды. Әдеп жөніндегі кеңес мүшелері лауазымды тұлғаға қызметтік талаптарды толық орындамағаны үшін ескерту жасауды ұсынды.
БІЗДІҢ ТЕЛЕГРАМ АРНАМЫЗҒА ҚОСЫЛЫҢЫЗ
Ең соңғы жаңалықтар осында
Жазылу
