Балаларға арналған банк карталарын енді олардың қамқоршылары мен қорғаншылары онлайн режимде аша алады, деп жазады inbusiness.kz Оқу-ағарту министрлігіне сілтеме жасап.
"Оқу-ағарту министрлігі ЦДИАӨМ-мен және "ҰАТ" АҚ-мен бірлесе отырып, қорғаншылар мен қамқоршылардың келісімімен олардың қамқоршылығындағы 18 жасқа толмаған балалар туралы мәліметтерді беру бойынша екінші деңгейлі банктермен интеграциялық қызметті жүзеге асырды. Интеграция қорғаншылар мен қамқоршыларға банктік қызметтерді алу үшін қағаз жүзіндегі анықтамаларсыз, өздерінің мәртебесін онлайн растауға мүмкіндік береді", - деді Оқу-ағарту вице-министрі Айбат Ілиясов.
Ақпаратқа сәйкес, ведомство мемлекеттік қызметтерді электронды және проактивті форматқа көшіру бойынша жұмыстарды жалғастырып жатыр.
